Linux ඉගෙන ගනිමු… - 01

Linux ඉගෙන ගනිමු… - 01

අපි මුලින්ම බලමු මොකද්ද මේ Linux කියන්නේ කියල. Linux කියල කියන්නේ අපි භාවිතා කරන Windows 10, Windows 8.1, Mac OS X, වගේම තවත් එක Operating System එහෙමත් නැත්නම් OS එකක්. Linux, සාමාන්‍ය Desktop පරිගණක වල OS එකක් විදිහට භාවිත කරන්න කලින්, ගොඩක්ම භාවිත වුණේ Server, Embedded Systems වගේ දේවල් වලයි. එත් අද වෙනකොට Linux, ගොඩක්ම ආරක්‍ෂිත, විශ්වාසවන්ත, කරදර නැති OS එකක් විදිහට ගොඩක් Tech Field එකේ ඉන්න අය භාවිතා කරනවා.

            ඉතිං තව ගොඩක් විස්තර කියන්න කලින් මම මුලින්ම OS එකක් හැදිලා තියෙන්නේ මොනවගේ කොටස් වලින්ද කියල පොඩ්ඩක් කියල ඉන්නම්. ඉස්සරහට යද්දී එක ගොඩක් වැදගත් වෙයි.

           

OS එකක මෙන්න මේ කොටස් ටික තියනවා...

•    The Boot-loader

මේ කොටසින් තමයි අපේ Computer එක Boot කරලා දෙන්නේ. Computer එක On වෙනකොට අපේ Machine එකේ Brand Name එක වැටෙන Screen එක විදිහට අපිට මේක බලාගන්න පුළුවන්.

•    The Kernel

මේ තමයි අපේ OS එකේ මදය. මෙයා තමයි CPU, Memory, Peripheral Devices (Input/Output Devices වගේ ඒවා) කලමනාකරණය කරන්නේ.

•    Daemons

අපේ Computer එකේ Background Services වලට තමයි මෙහෙම කියන්නේ. මේවා අපේ Computer එක Boot වෙද්දී වගේම Desktop එකට ආවට පස්සේ උනත් පටන්ගන්න පුළුවන්. අපි අපේ පරිගණකයේ Game එකක් ගහද්දි, Film එකක් බලද්දීත් අපිට නොදැනීම මේ Programs, පසුබිමෙන් Run වෙනවා.

•    The Shell

මේක තමයි Windows වල නම් Command Prompt (CMD) කියල කියන්නේ. එක එක Commands use කරල නොයෙකුත් වැඩ කරගන්න පුළුවන් Text Interface එකකට තමයි Shell කයල කියන්නේ.

•    Graphical Server

මෙයා තමයි Monitor එකේ Graphics පෙන්නන්න උදවු වෙන්නේ.

•    Desktop Environment

අපි Computer එක On කලාට පස්සේ අපි Interact කරන්නේ මෙයා එක්ක. හැම Desktop Environment එකකම File managers, Configuration tools, Web browsers, Games වගේ Built-in Applications තියනවා.

            දැන් නම් මේක Linux ගැන තියන ලිපියකට වඩා OS ගැන තියන ලිපියක් වගේ නේ ???. එත් මේ දැනුම ඉස්සරහට ගොඩක් ප්‍රයෝජනවත් වෙයි.

           

            දැන් කට්ටිය හිතයි Windows 10 වගේ හොද ( හොදයි කියල හිතාගෙන ඉන්න) OS එකක් තියෙද්දී ඇයි අපි මේ Linux ගැන වද වෙන්නේ කියල. මම දැන් කියන්න යන්නේ ඇයි අපි Linux use කරන්න ඕනි කියල.

ඇයි Linux...??

      

දැන් නම් ලිපිය ටිකක් දිග වැඩි වේගන එන්නේ... ඒ නිසා "ඇයි Linux...??" කියල ඊලග ලිපියෙන් බලමු. 

 මේ මම blog එකකට ලියපු පලවෙනි ලිපිය. ඉතිං අඩු පාඩු නම් ගොඩක් ඇති. ඔයාල සමහර විට මට වැඩ Linux ගැන දන්නවත් ඇති. ඉතිං හොඳ නොහොඳ ඔක්කොම Comment කරන්න... 😋

-නනා-

Reference:-

https://www.linux.com/